何詩蓓：「100米係短距離項目，每次低頭就衝。無諗太多關於紀錄嘅事，都係落水就盡力去游，而且很多對手都是我嘅朋友，能同朋友一起比賽永遠都好開心。」
從詩蓓喺2021世界游泳錦標賽嘅賽後訪問，睇到呢位年青人嘅處事態度，同愈戰愈勇嘅精神真係好值得我地學習。同時亦都啟發到我：凡事盡力等於戰勝自己。
有好多時候我地都諗得太多，想像每件事情嘅結果，心入面又有無限嘅小劇場。「因為預設嘅結果，所以唔敢做」，相信大家都經歷過呢個階段。其實我當初都考慮咗好耐究竟自己適唔適合入行做保險，同大家一樣對保險行業充滿疑問：返工無底薪？口才要好好？計數要好叻？無親戚無朋友？當時個腦海真係有無盡嘅疑問，畢竟我係嗰啲一係唔做，要做就要做到最好嘅人。但最後我都決定辭咗會計份工，轉投保險界，事實證明如果俾我重頭擇一次，我都會選擇同一條路，因為我得到嘅嘢實在係太多了。好似用金錢買唔到嘅時間咁，可以用黎進修、同屋企人相處、陪狗仔成長，仲有時候做義工，回饋社會。
長期目標 X 短期目標
雖然時間自由咗，但總係好似唔夠用咁，我哋人生追求嘅事物都有好多好多，亦都有唔同嘅目標想達成，咁點分配時間好呢？我就建議大家可以分長期目標同短期目標！長期目標可以訂喺5年以上，例如想達到咩職級、薪金達到咩水平等等。短期目標就可以定喺兩年內，甚至再短啲都可以，例如想兩年內進修吓，完成啲咩課程等。
以我為例，咁多年嚟我一直都希望擴充我嘅團隊－WIN Team，培養更多年青人同新人成為保險界嘅新星，成為精英中嘅精英！我希望可以提供一個最舒適嘅工作環境俾我嘅團隊成員。但咩叫「舒適」呢？其實除咗工作環境外，我覺得團隊嘅士氣同氣氛更為重要。例如我哋團隊招募咗個23歲嘅年輕人，佢喺度都做咗一年多，時間話長唔長，話短唔短，前幾日同佢食飯傾計，佢講咗一句說話令我好深刻，「我無後悔入保險呢行，都慶幸入咗呢條Team，當初入嚟勁驚有啲辦公室政治，權力鬥爭，好彩呢度無……」講真啊～聽到呢句我都鬆一口氣，我都係過來人，知道如果工作做得唔開心份工一定做得唔長久，返工已經好忙，如果仲要理人事關係真係會身心俱疲。對於我嚟講團隊業績雖然重要，但同事做得開心對我嚟講比咩都緊要！
而我近來亦都完成咗個短期目標，就係讀完個工商管理碩士課程，從中了解到市場趨勢、商業管理，點樣帶領團隊走得更遠。游泳比賽有分長距離同短距離，而我哋都要識得將時間分配，為自己有規劃地設立一啲適當嘅目標去達成，但記得都要根據自己嘅喜好、經驗同能力而定！
🌟瞭解我及WIN Team🌟
Youtube Channel | Carrie Chan 陳頌琳 : https://reurl.cc/bn11d6
IG | carriechan_chan : https://reurl.cc/XlvvxD
Facebook | Carrie Chan：https://reurl.cc/ZjYY8p
如果你想挑戰下，或者覺得而家份工唔啱自己，想了解保險行業，歡迎聯絡我傾下！
Comments