近年香港移民數字一直上升，根據統計處最新的人口普查，2019年中至2020年中約有2萬人移出香港。最近我同幾位有意移民海外嘅朋友傾偈，發現大家都有共同煩惱：移民之後，點樣處理香港嘅資產？
有人可能會建議賣哂所有資產，拎現金過去移民地，避免全球繳稅。但我就認為一刀切嘅做法唔明智，因為無論喺賠償定回報層面，都未必對受保人最好。我哋先講吓賠償同徵稅嘅部分，唔同於香港實行嘅收入來源地域徵稅，好多移民熱門國家，例如英國、澳洲等係實施全球徵稅，令人擔心喺香港嘅保險會受到雙重徵稅（double taxation）。我建議移民嘅朋友唔需要cut危疾、人壽呢類一筆過賠款嘅保單，因為即使有賠償，亦唔會有雙重徵稅。醫療保險方面，我就建議移民後一年半載先考慮退保，雖然喺高端醫療範圍，身處國外賠得較少，但等生活先穩定下來再退保，亦都對自己嘅多一重保障。
第二就係回報考量，好多朋友投保除咗想保障自己，亦當係一種投資。如果係咁，一旦你移民時取消保單，就等於失去咗一份回報。假設你開始投保一份人壽儲蓄幾年，現金價值可能大大低過已繳交費，回報上屬於net loss狀態，退保實在得不償失。再者，移民地保險回報亦未必好似香港咁理想，所以大家決定前，都需要計算好兩者長期回報差異，從而選擇更有利嘅保險計劃。另外，喺移民地保險所賺取紅利亦會受當地稅制所限而需繳稅，所以決定保單處理前先諗清楚各項條款。最後亦歡迎搵我傾吓點樣處理移民保險既問題。
今日分享咗少少移民前後資產處理心得，希望幫到各位想移民或者已經行動嘅朋友。如果你有其他資產管理嘅疑難，都不妨喺下面留言或DM我分享！
嚟緊我會喺唔同社交平台分享女性職場上既挑戰同心態，亦會繼續同大家講吓如何 建立小習慣 Be a Better Me!
歡迎留言或 inbox 我交流一下，可以訂閱我以下社交平台
YouTube:
Comments