鄭欣宜，一個全香港人睇住佢大嘅小妹妹，終於得到多年嚟想要嘅稱號－香港歌手。呢四個字寫好簡單，讀都好簡單，但做到受廣泛認同、令各位香港人覺得實至名歸就真係好難……回憶年少嘅欣宜真係好唔容易， #肥姐 及婆婆喺佢離世令欣宜大受打擊，亦都有有好長時間受到批評同取笑，但佢憑住努力同正面嘅價值觀，為自己改寫人生，成為真正嘅 #女神。
🌟因為不完美所以完美🌟
《#無人完美》歌詞中有一句係講「無人如你，然而除非，你看到另一位自己」，呢個世界上無人係完美，追夢同成長嘅旅途中難免會受到好多批評同挫折，但佢哋都會成為你成長嘅養份，正正因為不完美，所以努力去成為完美嘅人。
而所謂嘅「完美」，就係成為你自己想做嘅人。欣宜為咗成為一個歌手真係付出咗好多好多，#叱咤樂壇頒獎禮 佢話：「我乜嘢都願意做，為咗換取機會唱歌……我連『魔人布歐』都扮過」，聽到呢句說話真係好感動同感觸，欣宜經重重努力，終於成為咗 #香港歌手鄭欣宜，呢條路真係好難行，但佢擇咗條 #最難行的路，#寧願不揀最易的路 。欣宜呢種不屈不撓嘅精神真係好值得我地學習。
🌟只要揾到自己 每個人都係女神🌟
女神點定義呢？樣靚、身材好？其實只要活成自己想要的樣子，個個都係女神。欣宜早幾年喺報導講過，「美不是size，是一種態度；來自內在的」。 #自信就是美，氣質係由內而外散發出嚟嘅，欣宜曾經減肥成功，但就唔覺得開心，最後佢決定：「我不要再減肥，我要做回鄭欣宜！」更憑住《女神》、《 #你瘦夠了嗎？》等等歌曲獲得好評。直至而家佢由最唔喜愛女歌手，成為 #香港人 最喜愛女歌手。
只要敢想敢做，活出真我，就能活出精彩人生。
---------------------------
如果你想挑戰自己，跳出自己嘅舒適圈，想瞭解保險行業，歡迎聯絡我！😊
🌟瞭解我及WIN Team🌟
Youtube Channel | Carrie Chan 陳頌琳 : https://reurl.cc/bn11d6
IG | carriechan_chan : https://reurl.cc/XlvvxD
Facebook | Carrie Chan：https://reurl.cc/ZjYY8p
Comments