【羽生結弦】「震魂」四周半跳出人生新高度

Carrie Chan

2022年2月24日讀畢需時 2 分鐘

「大家對於羽生結弦的印象也許是來自索契冬奧和平昌冬奧時，獲得金牌的那個羽生。」呢句說話正正體現到呢位27歲嘅 #日本冰王子並不甘原地踏步停留喺大家以往對羽生結弦嘅印象。

對我嚟講 #冬奧最令我觸目嘅選手就係呢位「 #梗頸四」，佢原本大可以穩紥穩打拎到獎牌做三連覇，但佢並無咁做，而係選擇挑戰高難度嘅4A。雖然苦練長達兩季，但兩次嘅跌倒注定佢同冠軍擦身而過。從言行見到佢係一個點嘅人，或者對佢嚟講「遺憾會有，但絕無後悔」。

究竟 #阿克塞爾四周半跳（quad axel，簡稱4A）有咩魅力，令到羽生結弦明知失敗機會好高都選擇堅持挑戰落去呢？我諗就係信念同好勝心促使佢想達成呢個目標。所謂嘅「好勝心」並唔代表輸贏咁簡單，而係超越自我、挑戰同戰勝自己。喺花式滑冰的6個跳躍動作中，Axel跳躍是唯一一個向前跳嘅動作，可以講話危險性極高，根據網上資料所講選手單單要進行四周跳，從起跳到落冰完成動作僅0.7秒，完成四周共1440度的轉體，已挑戰人類極限。但喺A4跳躍動作入面，選手要喺相同的0.7秒裡再多轉半周！羽生結弦賽前練習嘅時候仲要扭傷腳踝，因為傷勢嚴重醫師要求靜養十日，但佢寧願打住止痛針都唔放棄比賽，只因佢有着一個4A夢。雖然 #三連霸夢碎，但努力始終得到回報： #國際滑冰總會認證羽生結弦成為滑冰史上挑戰4A嘅第一人。

「從結果看來，這確是不成功的，但我很滿意努力的過程。」對於我嚟講，過程其實比結果重要！「相對於結果的輝煌或黯淡，追求的過程更顯其意義與價值」，過程中你會不斷嘗試，縱然知道會跌倒，但靠住自己嘅力量企返起身，再勇往直前，吸收失敗嘅經驗改進同嘗試。雖然結果唔完美，相信得到會比失去多。

無人知道人嘅潛能去到邊，如果一直安於現狀可能會得到一時快樂、所謂嘅安全感，但就享受唔到成功挑戰自我嗰種成就感。好似羽生結弦佢明知自己穩紥穩打肯定會拎到獎牌，但最終佢選擇一條 #最難行的路，用實力同大家講咩係雖敗猶榮。當你想跳得比人高同行得比人快，就要跳出 #舒適圈，大膽求變，你會發現呢個世界比你想像大好多！時間有限，無可能所有事物你都嘗試過，最重要知道自己想行條咩路，沿住嗰條路無限發展，挑戰自我。

#跳四圈半好難 #但跨出自己心理關口仲難

#農曆正月廿二 #202202220 #AIA #VICTORYFamily #招募 #招聘 #請人 #揾工 #CarrieChan