梅艷芳－一個為人熟悉的名字，她代表着一個時代、代表着香港人、代表着一種精神，香港人嗰種拼博與無懼、永不放棄嘅獅子山精神。記得當年梅姐離世大家都感到好突然……直至2021年「梅艷芳」再重現香港人嘅眼前，原來我哋一直無遺忘呢位「香港女兒」。
入戲院唔只係睇場戲 而係回味一份珍貴回憶
梅艷芳：「如果有一日，我離開了舞台，有多少人會記得梅艷芳這個人？」幾多人一邊睇住呢套戲一邊流住掛念嘅眼淚，如果梅姐係天上某顆星星🌟，望向香港，會知道佢嘅願望已經實現了，而我哋仍然延續住佢嘅精神……
「梅艷芳」入面有唔少新面孔，有咩原因促使投資呢套戲嘅老闆同導演咁「大膽」用新人呢？相信係因為梅姐講過嘅一句說話：「前輩提攜後輩天經地義。」而事實證明咗佢哋嘅決定係啱既。
成功須付出 回報非必然
一個月前可能你仲未識邊個係王丹妮，佢用自己嘅努力同大家講「我係一個演員」。「我不是梅艷芳，但我希望盡自己能力做到最好，作為對梅姐的一份至深敬意」，的確無人可以取替到梅姐喺我地哋心目中嘅位置，但我哋可以延續佢嘅精神。香港有好多好有熱誠有能力嘅年青人等住我哋去發掘，點解唔俾佢地一個發光發熱嘅機會呢？好多事都不如願，但唔試過又點知呢？如果當初王丹妮因為覺得自己無演戲經驗而卻步，結果又會係點呢？
除了做星 還要造星
我成日都同身邊嘅同事講：「除了做星，還要造星。」唔係要棄舊用新，而係兩者互補。啲朋友成日都問我：「Carrie，你平日咁忙，點解仲要花咁多時間親自教新人？點解唔將多啲時間擺喺自己身上？」對我黎講，年青人就好似寶藏咁，一塊未經雕琢的玉石，當你慢慢深入了解後會發現佢哋係「寶」。同佢哋溝通我可以了解到佢哋嘅新思維，同佢地合作都有唔同嘅火花。
喺我咁多年嘅工作生涯裏面，通過分享我做財務策劃嘅經驗、點樣解決不同嘅難題，令佢地行少啲「冤枉路」，例如處理保單時有咩特別事項要處理、當遇到比較棘手嘅個案點先可以解決到等等。
做保險都超過二十年，點解仲要行前線？因為我仲有一團火，除咗做星還要造星，我嘅目標係帶領團隊走得更遠，成為精英中嘅精英！好似梅姐咁講：「 #前輩提攜後輩天經地義 」，喺年青人和新人身上我感覺到佢地對工作嗰種熱誠同追求，咁點解唔從旁輔助佢哋走得更遠呢？機會係留俾有準備嘅人，如果一味只諗住有無回報先肯付出，你一定唔會走得更遠！
圖片來源：網上圖片
Comments