識我嘅朋友都知我好鍾意同年青人合作同傾計，鍾意佢地有衝勁、有創意同有無限嘅潛能！今次就同三位仲未畢業嘅同學仔傾下團隊未來嘅發展，有啲咩可行嘅方案吸引更多精英加入我哋！
哈哈，雖然佢地最終嘅目的係做份功課🤣～但佢哋都好認真咁分享佢哋嘅睇法，不斷提出問題，想了解財務策劃顧問嘅工作係咩？大家對保險行業嘅疑問同做保險有啲咩機遇等等。仲想同我嘅團隊成員傾下，深入了解佢地平時嘅工作，我當然二話不說就答應咗！
點解有咁多人投入保險行業？
有同學仔問我，點解有咁多人投入保險行業？咁我就分享咗一個真實個案俾佢聽：之前有位工程師放棄咗佢份全職，選擇投入保險行業。做工程師當然收入唔錯，工作又穩定，有咩驅使佢放棄看似前景唔錯嘅工呢？原來當時佢睇住佢上司，佢見到自己嘅未來！再諗深一層，幾努力都好人工都有限制，雖然過多幾年，佢可能會升職到佢上司嘅職級，但晉升幅度較慢，工作負擔重而收入同付出唔成正比，所以佢把心一橫辭職，全身投入保險行業。
結果佢第一年就達年薪💲幾十萬，比佢工程師嘅工作收入多好多倍。直到而家佢已經有自己嘅團隊，達至年薪過百萬啦💰！當時有好多人唔睇好佢，覺得佢好傻放棄份穩定同收入唔差嘅工作，事實證明咗只要有決心堅持做一件事，必定會有所得著。其實選擇權喺你手上，只係睇你擇行邊條路。機遇處處你又識唔識把握呢⁉️
你問我投入保險行業有咩好？
多勞多得！收入同付出成正比，更會得到一份可觀嘅收入。
時間自由！自己分配工作時間，多咗時間做自己鍾意做嘅事。
有晉升機會！當你做得好、有成績，事業上軌道就可以升職，甚至擁有自己嘅團隊。
幫到人！保險可以保障到客戶嘅利益，唔驚有事嗰陣感到徬徨無助。
擴大社交圈子！你會認識到嚟自唔同行業嘅人，從中佢地會變成你嘅好朋友。
肯學肯做必有回報！
當然做財務策劃顧問真係唔容易，但當中你得到嘅會比付出多更多！我入行咁多年真係見到好多年青人同新人成長，由咩都唔識，入黎 #AIA 經過培訓，向前人取經，再慢慢吸收經驗，成為精英中嘅精英！佢哋做到，你都一定做到！
無論你十八定六十歲，只要肯學肯做，加入我團隊必會有教無類，比最好嘅資源同配套你，帶領你行一條屬於自己的康莊大道！
Comments