近來商界同投資大熱話題一定係「元宇宙」。
自Facebook宣佈改名為Meta，創始人兼CEO馬克·朱克伯格豪言要轉型發展元宇宙（Metaverse），喺未來10年投入過百億美金，並聘請一萬人建立元宇宙團隊後，其他科技龍頭如Google、Microsoft、騰訊等都爭先恐後加入，希望從中分一杯羹。
講咗咁耐，到底元宇宙係咩嚟？點解有咁多公司會睇好？
元宇宙早喺1992年美國作家Neal Stephenson科幻小說《雪崩》內已出現，解釋係一個超越宇宙嘅虛擬平行世界。
朱克伯格嘅願景，幾乎同作者同出一轍，想實現一個虛擬世界。每個人喺元宇宙獲得一個嶄新虛擬身份，甚至能夠脫離肉身，不受種族、身份、人格、健康等限制，進行各種社交娛樂、購物消費等活動，展開虛擬結合現實嘅新生活。
如果你係動漫或電影迷，有睇過《刀劍神域》、《22世紀殺人網絡》、或《挑戰者1號》等，就更易明白箇中意思。透過發展一日千里嘅AR & VR技術、3D建模、5G網絡等技術結合，喺若干年後，可能只需配戴一個頭盔，就能身歷其境感受虛擬世界嘅一呼一吸，一草一木。
到時，就算現實生活過得諸事不順，只需進入元宇宙，世界可以有2個，人生原來有Take 2。
元宇宙雖仍屬起步階段，但投資者永遠都係將目光放喺未來。元宇宙一出，即掀起投資熱潮，率先受惠嘅係娛樂科技市場，如遊戲平台Roblox、虛擬平台The Sandbox等。國際金融巨頭「大摩」更直指元宇宙潛在市場可達8萬億美元，證明潛力無限，年輕人可以多加認識，或者將來就係下一隻Tesla或bitcoin呢！（戴定頭盔先，以上純屬個人看法，不作任何投資建議，記得投資涉及風險呀！）
科技發展日新月異，我哋都唔可以停滯不前，要每日汲取唔同資訊，緊貼世界巨輪運轉，先可以快人一步。同樣，事業如遇上瓶頸位，你都應該要嘗試突破現狀，否則滯留原地，冇人會等你。
保險業就係一道逃生門！
當你現有工作升職加薪有限，但又唔知點樣入手改善，你或者可以考慮保險業。以前朝9晚5做餐死都係得一份人工，而家你做幾多，你嘅收入就有幾多，努力同收穫嘅比例係相等，仲有機會擴充人脈建立自己團隊。成為Team leader之後，你唔需要投資都擁有一筆可觀嘅被動收入，以上種種，可能係你從未想像過。
廿年前，有邊個會想像到而家人人都拎住一部智能手機？人只要有想像，就會有力量，突破現有困局！或者喺元宇宙真正成熟之前，你都可以憑一己之力展開美好嘅Second Life呢！
嚟緊我會喺唔同社交平台分享女性職場上既挑戰同心態，亦會繼續同大家講吓如何 建立小習慣 Be a Better Me!歡迎留言或 inbox 我交流一下，可以訂閱我以下社交平台。
Comments